ஜோதிட சேவை

1. ⭐ தினப் பொருத்தம் (Dina Porutham)

திருமணத்திற்கு பின் கணவன் மனைவியின் தினசரி வாழ்க்கை எப்படி இருக்கும் என்று கணிப்பது தான் இந்த பொருத்தம்.

தம்பதியினருக்கு இடையில் தினம் தினம் தேவையற்ற சண்டைகள், மனக்கசப்புகள் வராமல் அன்போடு மகிழ்ச்சியாக இருப்பார்களா என்பதை எல்லாம் உறுதி செய்து கொள்ள இந்த தினப் பொருத்தம் அவசியம்.

📌 தினப் பொருத்தம் கணிக்கும் முறை

மணப்பெண் பிறந்த தினத்தில் அமைந்த ஜன்ம நட்சத்திரத்தை முதலாவதாகக் கொண்டு, மணமகனின் ஜன்ம நட்சத்திரம் வரை எண்ண வேண்டும்.

பெண் மற்றும் ஆணின் நட்சத்திரங்களை அடிப்படையாகக் கொண்டு கணிப்பதால் தினப் பொருத்தத்திற்கு நட்சத்திரப் பொருத்தம் என்ற பெயரும் உள்ளது.

2. ⭐ கணப் பொருத்தம் (Gana Porutham)

மணப்பெண் மற்றும் மணமகனின் குணநலன்களை அடிப்படையாக கொண்டு திருமணத்திற்கு பின் ஒருவருக்கொருவர் அனுசரித்தும் புரிதலோடும் வாழ்வார்களா என்று கணிப்பது தான் இந்த பொருத்தம்.

கணப் பொருத்தத்தில் மூன்று கணங்கள்

3. 👶 மகேந்திரப் பொருத்தம் (Mahendra Porutham)

குழந்தை பாக்கியத்தை கணிப்பது இந்த மகேந்திரப் பொருத்தம்.

திருமணம் முடிந்த கணவன் மனைவியின் குடும்பம் முழுமை பெற்று வம்சம் விருத்தியாவது குழந்தை பிறந்த பின் தான். அப்படிப்பட்ட குழந்தை வரம் மணமக்களுக்கு இருக்கிறதா? ஆண் குழந்தை பிறக்குமா? என ஜோதிட ரீதியாக இந்த மகேந்திரப் பொருத்தத்தின் மூலம் தெரிந்து கொள்ளலாம்.

மகேந்திரப் பொருத்தம் இல்லை என்றாலும் திருமணம் செய்து கொள்ளலாம். முக்கியமான ஐந்து பொருத்தங்கள் இருப்பது முக்கியம் என்றும், தினப் பொருத்தமும் கணப் பொருத்தமும் சரியாக இருந்தால் குழந்தை பாக்கியம் இருக்கும்

4. 👩 ஸ்திரீ தீர்க்கப் பொருத்தம் (Stree Deergha Porutham)

மணமகள் நீண்ட ஆயுளுடன், மணமகனோடு பிரச்சினைகள் இல்லாமல் சந்தோஷமாக சேர்ந்து வாழ்வார்களா என்று கணிப்பது தான் இந்த பொருத்தம்.

திருமணம் ஆகும் போது மணமகளை “தீர்க்க சுமங்கலி பவா” என்று ஆசீர்வாதம் வழங்குவது தொடர்பாகவும் இந்தப் பொருத்தம் விளக்கப்படுகிறது.

5. 🐎 யோனிப் பொருத்தம் (Yoni Porutham)

கணவன் மனைவியின் தாம்பத்திய உறவையும் அன்யோனியத்தையும் கணிப்பது தான் இந்த பொருத்தம்.

ஜாதகத்தில் இருக்கும் 27 நட்சத்திரங்களில் ஒவ்வொரு நட்சத்திரத்திற்கும் தனித்தனியாக விலங்குகளின் பெயர்கள் கொடுக்கப்பட்டுள்ளது.

கணவன் மனைவியின் நட்சத்திரங்கள் ஒரே யோனியாக இருந்தால் நல்லது

⚠️ விரோத யோனி ஜோடிகள்

• பசு – புலி
• யானை – சிங்கம்
• குதிரை – எருமை
• நாய் – மான்
• கீரி – பாம்பு
• குரங்கு – ஆடு
• பூனை – எலி

6. ♈ ராசிப் பொருத்தம் (Rasi Porutham)

திருமணத்திற்கு பின் கணவன் மனைவி நல்ல புரிதலுடன் நீண்ட காலம் மனக்கசப்பு இல்லாமல் வாழ்வார்களா என்று கணிப்பது தான் இந்த பொருத்தம்.

மணமக்களின் ராசிகளை மையமாக வைத்து பார்ப்பது ராசிப் பொருத்தம்.

7. 🪐 இராசி அதிபதி பொருத்தம் (Rasi Athipathi Porutham)

திருமணத்திற்கு பின் கணவன் மனைவி நட்புடன் இருப்பார்களா? சமமான மனநிலையுடன் இருப்பார்களா? அல்லது பகைமை உணர்வுடன் இருப்பார்களா? என்பதை கணிப்பது இந்த பொருத்தம்.

இராசி அதிபதி பொருத்தத்தில் நட்பு, சமம், பகை என மூன்று நிலைகள் உள்ளன. நட்பு அல்லது சமம் இருந்தால் பொருத்தம் உண்டு; பகை இருந்தால் பொருத்தம் இல்லை.

8. ❤️ வசியப் பொருத்தம் (Vasiya Porutham)

திருமணத்திற்கு பின் கணவன் மனைவி இருவரும் நேசமாகவும் வசீகரத்துடனும் எப்போதும் பிரியமாக இருப்பார்களா என்று கணிப்பது இந்த பொருத்தம்.

9. 🔱 ரஜ்ஜுப் பொருத்தம் (Rajju Porutham)

திருமணத்திற்கு பின் கணவனின் உயிர் மற்றும் உடல் குறித்த கணிப்புகள் நிறைந்த மிக முக்கியமான பொருத்தம் இது.

திருமணத்திற்கு பார்க்கப்படும் பத்து பொருத்தத்தில் மிகவும் முக்கியமானதாக ரஜ்ஜுப் பொருத்தம் கருதப்படுகிறது.

ரஜ்ஜுவின் ஐந்து வகைகள்

மணமகனின் ரஜ்ஜூவும் மணப்பெண்ணின் ரஜ்ஜூவும் ஒரே ரஜ்ஜூவாக இல்லாமல் இருந்தால் இருவரும் நலமோடு வாழ்வார்கள் என்று குறிப்பிடப்பட்டுள்ளது.

10. ⚔️ வேதைப் பொருத்தம் (Vethai Porutham)

திருமணத்திற்கு பின் கணவன் மனைவி கவலைகள் இல்லாமல் எப்போதும் இன்பமாகவும் மனத் திருப்தியுடனும் இருப்பார்களா என்பதை கணிப்பது இந்த பொருத்தம்.

வேதை என்றால் ஒன்றுக்கொன்று தாக்குதலை ஏற்படுத்தும் என்று பொருள். இரு நட்சத்திரங்களுக்கு இடையே வேதை இருந்தால் அதற்கு பொருத்தமில்லை என்று பொருள்.

11. 🧬 நாடிப் பொருத்தம் (Nadi Porutham)

கணவன் மனைவி இருவரும் நோய் நொடி இல்லாமல் ஆரோக்கியமாக வாழ்வார்களா என்பதை கணிப்பது தான் இந்த பொருத்தம்.

நாடிகளின் மூன்று வகைகள்

12. 🌳 விருட்சப் பொருத்தம் (Mara Porutham)

திருமணத்திற்கு பின் தம்பதியினரின் வம்ச விருத்தி நிறைவு பெறுமா என்று கணிப்பது தான் இந்த பொருத்தம்.

விருட்சம் என்பது மரத்தை குறிக்கிறது. ஒரு வம்சம் ஆலமரத்தை போல வளருமா என்பதை கண்டறியும் பொருத்தமே இந்த விருட்சப் பொருத்தம்.

ஒவ்வொரு நட்சத்திரத்திற்கும் ஒவ்வொரு மரமானது குறிப்பிடப்பட்டிருக்கிறது. மணமக்களின் நட்சத்திரத்தை வைத்து கணிக்கும் பொழுது கிடைக்கும் மரமானது பால் மரமாக இருந்தால் விருட்சப் பொருத்தம் பொருந்தி உள்ளது என்று அர்த்தம்.

⭐ மிக முக்கியமான பொருத்தங்கள் எவை?

❓ திருமணப் பொருத்தம் – கேள்வி பதில்கள்